Turkiya prezidenti Rajab Toyyib Erdog‘an mamlakatda sodir bo‘lgan zilzilalardan so‘ng “nifoq urug‘ini sepmoqchi bo‘lganlarni” eshitmaslikka chaqirdi.
“Fasod urug‘ini sepmoqchi bo‘lganlarga quloq solmang. Bizni zilzila yetkazgan yaralarni davolashdan, birligimizga ziyon yetkazishdan chalg‘itmoqchi bo‘lganlarga imkoniyat bermang”, — dedi Turkiya yetakchisi Hatay viloyatida qilgan chiqishida.
U boshpanasidan ayrilgan va lagerlarda yashayotgan aholi bilan suhbatlashib, shaharlarni qayta tiklashga vaʼda berdi.
Jahon banki Turkiyaga yetkazilgan dastlabki zararni 34,2 milliard dollar deb baholagan. BMT bu ko‘rsatkich 100 milliard dollardan oshishi mumkin, deb hisoblamoqda.Tabiiy ofat qurbonlari soni 48 ming kishiga yetgan.