Bryusselda Germaniya va Buyuk Britaniya hamraisligida “Ramshteyn” guruhining navbatdagi uchrashuvi boshlandi. Germaniya mudofaa vaziri Boris Pistoriusning maʼlum qilishicha, yig‘ilishda AQSH mudofaa vaziri Pit Hegset va Ukraina prezidenti Volodimir Zelenskiy onlayn tarzda qatnashmoqda. Ukraina nomidan esa mudofaa vaziri Rustem Umerov ishtirok etmoqda.
Pistorius uchrashuvda Germaniyaning Ukrainaga qo‘shimcha harbiy yordam paketini taqdim etishini eʼlon qildi. Unga ko‘ra, Ukraina quyidagilar bilan taʼminlanadi:
4 ta IRIS-T havo hujumidan mudofaa tizimi,
Patriot tizimi uchun 30 ta raketa,
100 ming dona artilleriya snaryadi,
15 ta Leopard 1 tanki,
Razvedka uchun mo‘ljallangan dronlar.
Uchrashuvda Ukrainaga qo‘shimcha harbiy yordam, xavfsizlik hamkorligi va uzoq muddatli qo‘llab-quvvatlash mexanizmlari muhokama qilinmoqda.