Жаҳон

АҚШ Эронга қарши кенг кўламли ҳужумларни режалаштирмоқда — NYT

Исроил АҚШдан Эронга 4–7 кунлик ҳаво ҳужумларида иштирок этишни сўрамоқда.

АҚШ Эронга қарши кенг кўламли ҳужумларни режалаштирмоқда — NYT

 

АҚШ президенти Дональд Трамп Эронга қарши кенг кўламли ҳарбий ҳужумлар уюштириш имкониятини кўриб чиқмоқда, бироқ ҳозирча якуний қарор қабул қилмаган. Бу ҳақда The New York Times (NYT) хабар берди.

 

Газета манбаларига кўра, Трамп янги разведка маълумотлари ва минтақада АҚШнинг муҳим ҳарбий кучлари мавжудлигини ҳисобга олмоқда. Исроил бош вазири Биньямин Нетаньяху эса АҚШдан 4–7 кун давом этиши мумкин бўлган ҳаво ҳужумларида иштирок этишни сўрамоқда.

 

Шу билан бирга, Исроилнинг юқори лавозимли расмийси Нетаньяху Трампга босим ўтказаётгани ҳақидаги хабарларни рад этди. АҚШ маъмуриятида эса разведка маълумотларининг ишончлилиги ва эҳтимолий янги ҳужумларнинг мақсадга мувофиқлиги юзасидан келишмовчиликлар мавжуд.

 

Исроил Эрон ракета ва дрон захираларини тиклаётгани, шунингдек, кимёвий ва биологик қуроллар ишлаб чиқаётгани ҳақида огоҳлантирмоқда. NYT манбаларига кўра, АҚШ разведкаси ҳам Эрон ҳарбий салоҳияти ошиб бораётганини кўрсатувчи белгиларни қайд этган. Бироқ, Теҳрон ҳозирча биринчи бўлиб ҳужум қилишдан кўра, АҚШ ва Исроилнинг кенг кўламли зарбаларини тўхтатишга уринаётгани айтилмоқда.

 

NYT хабарига кўра, АҚШ ҳарбийлари эҳтимолий нишонлар сифатида Эроннинг ракета ва дрон арсеналлари, энергетика объектлари ҳамда Ислом инқилоби қўриқчилари корпусининг қўмондонлик пунктларини белгилаган.

 

Трамп ҳозирча Эрон энергетика объектларига кенг кўламли зарбалар беришга розилик билдирмаган. Бундай ҳужумлар бизнес ва тинч аҳолини электр таъминотидан маҳрум қилиши мумкин.

 

Эҳтимолий ҳарбий ҳаракатлар қайта бошланиши олдидан АҚШ минтақадаги айрим объектлардан ходимларини олиб чиқди. Пентагон эса барча вариантлар кўриб чиқилаётганини маълум қилди.

Арманистон–Озарбайжон тинчлиги ва истеъфо: Пашинян келажакдаги режалари ҳақида гапирди

Арманистон–Озарбайжон тинчлиги ва истеъфо: Пашинян келажакдаги режалари ҳақида гапирди

Арманистон бош вазири Озарбайжон билан тинчлик ўрнатилгач, ўз миссиясини бажарилган деб ҳисоблашини айтди.

30 йилда 900 мингдан ортиқ инсон ҳалок бўлди: экстремал об-ҳаво оқибатлари ҳисобланди

30 йилда 900 мингдан ортиқ инсон ҳалок бўлди: экстремал об-ҳаво оқибатлари ҳисобланди

Табиий офатлар глобал иқтисодиётга 4,7 триллион доллар зарар етказган.

Мигрантлар учун патент нархи ошади: 2027 йилдан қанча тўлаш керак бўлади?

Мигрантлар учун патент нархи ошади: 2027 йилдан қанча тўлаш керак бўлади?

Санкт-Петербургда мигрантлар патенти учун минтақавий коэффициент 3,05 гача оширилади.

Россия ва Украина ўзаро зарбаларни давом эттирмоқда: нефть заводлари ва турар жойлар нишонга олинди

Россия ва Украина ўзаро зарбаларни давом эттирмоқда: нефть заводлари ва турар жойлар нишонга олинди

Украина зарбалар Россия армиясини ёқилғи билан таъминлайдиган корхоналарга қаратилганини билдирди. Россиянинг Одессага ҳужуми оқибатида 4 киши ҳалок бўлди.

Яманда жанглар кучайди: Саудия коалицияси ҳусийларнинг 60 та объектига зарба берди

Яманда жанглар кучайди: Саудия коалицияси ҳусийларнинг 60 та объектига зарба берди

Мамлакатнинг Таиз вилоятида ҳукумат кучлари ва ҳусийлар ўртасида шиддатли жанглар давом этмоқда.

Таиландда тоза сув муаммоси: бунга Мянмадаги конлар сабаб бўлмоқда

Таиландда тоза сув муаммоси: бунга Мянмадаги конлар сабаб бўлмоқда

Таиланднинг Мянма билан чегарадош ҳудудида сув манбаларида мишяк миқдори белгиланган меъёрдан 25–30 баравар юқори экани аниқланди.

Тошкентдаги Умра можароси: Қирғизистон фуқароларига қўшни давлатлар орқали сафар қилмаслик айтилди

Тошкентдаги Умра можароси: Қирғизистон фуқароларига қўшни давлатлар орқали сафар қилмаслик айтилди

12 ноябрдан бери 104 нафар қирғизистонлик зиёратчи Тошкентда қолиб кетган.

Дунёда 240 миллионга яқин ўсмир етарлича жисмоний фаол эмас — ЖССТ

Дунёда 240 миллионга яқин ўсмир етарлича жисмоний фаол эмас — ЖССТ

Уларнинг атиги 14 фоизи ҳафтанинг барча кунларида камида бир соатдан фаол ҳаракат қилади.