Germaniyaning Shverin shahrida mehmonxonalar xodimlarini chalg‘itib, 15 yil davomida turar joy uchun pul to‘lamay yashagan ayol nihoyat qo‘lga olindi. Dyusseldorfdan kelgan bu ayol so‘nggi marta Meklenburg-Vorpommern hududidagi mehmonxonalardan biriga joylashgan va o‘zini to‘lovga qodir sifatida ko‘rsatgan. Biroq, u kredit kartasini yo‘qotganini aytib, pulni keyinroq to‘lashni va’da qilgan.
Mehmonxona xodimlari ayolning harakatlaridan shubhalanib, politsoiyaga xabar berishgan. Tekshiruv natijasida, u bir necha kun yashab, taxminan 500 yevro miqdoridagi hisobni to‘lamasdan qochmoqchi bo‘lgani aniqlangan. Politsiya uni mehmonxonadan qochishga urinayotganida qo‘lga olgan.
Dastlabki surishtiruvlar davomida bu ayol oxirgi 15 yil ichida shu usul bilan 100 dan ortiq mehmonxonada tunagani ma’lum bo‘ldi. U har safar yangi mehmonxonaga joylashib, bir necha kun yashagan va hisob-kitobni to'lamasdan g‘oyib bo‘lgan.
Shverin prokuraturasi ayolga nisbatan hibsga olish to‘g‘risida qaror chiqardi. Hozirda tergov ishlari davom etmoqda.