Ғиёсовдан навбатдаги ғалаба
У профессионал боксда мағлубиятсиз cерия қайд этмоқда.
Профессионал боксда мағлубиятсиз ҳаракат қилаётган Шаҳрам Ғиёсов бугун, 1 август куни Мигел Перрага қарши жанг қилди. Ушбу жанг АҚШнинг Лос-Анжелес шаҳрида бўлиб ўтди.
10 раунд давом этган жангда Шаҳрам Ғиёсов очколар ҳисобида рақиби устидан ғалаба қозонди. Жанг тўлиқ ўзбекистонлик боксчи устунлигида ўтди. Якунда ҳакамлардан фақат биттаси Мигел Перранинг ғалаба қозонганини эътироф этди. Қолган икки ҳакам Шаҳрам Ғиёсов устунлигини қайд этди.
Шаҳрам Ғиёсов сўнгги жангини февраль ойида Пабло Сезар Канога қарши ўтказиб, очколар эвазига ғалаба қозонганди. Жанггача спортчининг профессионал боксда 15 та ғалабаси мавжуд эди, улар сони 16 тага етди.
