Ijtimoiy tarmoqda Sirdaryo viloyatining Guliston shahrida Nexia-2 rusumli avtomashina haydovchisi xavfli manyovrlar bajarib, avariyaviy holat keltirib chiqargani aks etgan video tarqalmoqda.
Rasmiy xabarga ko‘ra, viloyat IIB YHXB xodimlari tomonidan surishtiruv ishlari olib borilib, ushbu huquqbuzarlikni sodir etgan haydovchi aniqlangan.
Hozirda huquqbuzarlik yuzasidan haydovchiga nisbatan Maʼmuriy javobgarlik to‘g‘risidagi kodeksning tegishli moddalari bo‘yicha maʼmuriy bayonnoma rasmiylashtirilgan.
Haydovchining o‘zi ham uzr so‘rab, bu holat takrorlanmasligini aytib chiqqan.