Жаҳон

Тошкентдаги Умра можароси: Қирғизистон фуқароларига қўшни давлатлар орқали сафар қилмаслик айтилди

12 ноябрдан бери 104 нафар қирғизистонлик зиёратчи Тошкентда қолиб кетган.

Тошкентдаги Умра можароси: Қирғизистон фуқароларига қўшни давлатлар орқали сафар қилмаслик айтилди

 

Қирғизистон мусулмонлари диний бошқармаси 104 нафар қирғизистонлик зиёратчининг Тошкент халқаро аэропортида қолиб кетиши ортидан фуқароларга вақтинча қўшни давлатлар орқали Умра сафарига бормасликни тавсия қилди. Бу ҳақда бошқарма расмий сайтида маълум қилинди.

 

Қайд этилишича, Қирғизистон мусулмонлари диний бошқармасида Ҳаж ва Умра сафарларига тайёргарлик кўриш бўйича идоралараро комиссиянинг фавқулодда йиғилиши ўтказилган. Унда Тошкент аэропортида Саудия Арабистонига уча олмай қолган фуқароларнинг аҳволи ва уларни ватанга қайтариш масаласи муҳокама қилинган.

 

Йиғилишда Қирғизистон Ташқи ишлар вазирлиги вакиллари зиёратчиларнинг Тошкентдаги ҳолати ҳақида маълумот берган. Шунингдек, мамлакатнинг Ўзбекистондаги элчихонаси вакиллари билан уларнинг хавфсизлиги ва айни пайтдаги аҳволи муҳокама қилинган.

 

Комиссия «Nur Umra Travel» компанияси фаолиятини ҳам кўриб чиққан. Компания раҳбари вазият юзасидан тушунтириш бериш учун йиғилишга таклиф этилган. Зиёратчилар масаласини тезкор ҳал қилиш ва уларни Қирғизистонга қайтариш бўйича тегишли чоралар белгиланган.

 

Бундан ташқари, Қирғизистон муфтийси ўринбосари мамлакатнинг Ўзбекистондаги элчихонаси билан биргаликда Тошкентга бориб, фуқаролар билан бевосита учрашиши режалаштирилган. Компания вакилларидан ҳам зиёратчилар ҳолидан хабар олиш ва муаммоларни ҳал қилишда фаол иштирок этиш талаб қилинган.

 

Муфтият фуқароларни вазият барқарорлашгунига қадар Умра сафарига бошқа қўшни давлатлар орқали бормасликка, сафар маълумотларини олдиндан аниқлаштиришга чақирди. Шунингдек, SalamAir, Air Arabia вa Flyadeal авиакомпаниялари Бишкек ва Ўш халқаро аэропортларидан Саудия Арабистонига рейсларни амалга ошираётгани маълум қилинган. Фуқароларга сафарларини Қирғизистондан бошлаш тавсия этилган.

 

Эслатиб ўтамиз, 104 нафар Қирғизистон фуқароси 12 ноябрдан бери Тошкентда қолиб, Саудия Арабистонига парвоз қилиш имкониятини кутмоқда. Улар орасида кексалар ва соғлиғи билан боғлиқ муаммолари бор фуқаролар ҳам мавжуд.

Дунёда 240 миллионга яқин ўсмир етарлича жисмоний фаол эмас — ЖССТ

Дунёда 240 миллионга яқин ўсмир етарлича жисмоний фаол эмас — ЖССТ

Уларнинг атиги 14 фоизи ҳафтанинг барча кунларида камида бир соатдан фаол ҳаракат қилади.

Украинага яна 45 миллиард евро: Европа Комиссияси янги ёрдам пакетини таклиф қилди

Украинага яна 45 миллиард евро: Европа Комиссияси янги ёрдам пакетини таклиф қилди

Бу мамлакатнинг келгуси йилги 70 миллиард евролик молиявий эҳтиёжининг учдан икки қисмини қоплайди.

Путин ва Си Цзиньпин учрашуви якунланди: нималар муҳокама қилинди?

Путин ва Си Цзиньпин учрашуви якунланди: нималар муҳокама қилинди?

Бу йил бошидан буён уларнинг бешинчи учрашуви бўлди.

Патриот тизимлари ва ракета қурилмалари нишонда: Эрон Қувайтдаги АҚШ ҳарбий базасига ҳужум қилди

Патриот тизимлари ва ракета қурилмалари нишонда: Эрон Қувайтдаги АҚШ ҳарбий базасига ҳужум қилди

Аввалроқ Баҳрайндаги АҚШ радар станцияси ҳам нишонга олинган эди.

72 соатлик кузатув натижаси: Туркияда ўзбекистонлик фуқаро қуролли ҳужумда гумонланмоқда

72 соатлик кузатув натижаси: Туркияда ўзбекистонлик фуқаро қуролли ҳужумда гумонланмоқда

Ниқоб таққан икки киши ҳайдовчидан машинадан тушишни талаб қилган. У бўйсунмай, қочишга уринганида автомобилга қарата ўқ узилган.

АҚШ разведкаси Эрон таҳдиди ҳақида хабар берди, Теҳрон эса буни инкор қилди

АҚШ разведкаси Эрон таҳдиди ҳақида хабар берди, Теҳрон эса буни инкор қилди

Эрон АҚШ ОАВларидаги хабарлар кейинги тажовуз учун баҳона яратишга қаратилганини билдирган.

Буюк Британия Исроил компанияларига санкция киритди: улар Ғарбий Соҳилда ноқонуний уй қурган

Буюк Британия Исроил компанияларига санкция киритди: улар Ғарбий Соҳилда ноқонуний уй қурган

Санкциялар Ғазога инсонпарварлик ёрдами етказилишига тўсқинлик қилаётган кўчманчилар гуруҳига нисбатан ҳам қўлланилган.

Запорижжя вилоятидаги ҳужум оқибатлари: 72 киши ҳалок бўлган

Запорижжя вилоятидаги ҳужум оқибатлари: 72 киши ҳалок бўлган

Украинанинг Запорижжя вилоятидаги Камишеваха қишлоғида 2 ноябрь куни Россия ҳужумидан кейин бошланган қидирув-қутқарув ишлари якунланди.