Самарқандда 41 та жаримаси бор Equinox топилди
Топилган автотранспорт воситаси белгиланган тартибда жарима майдонига жойлаштирилди.

Мажбурий ижро бюроси Самарқанд вилояти бошқармаси томонидан ижро ҳужжатлари ижросини таъминлаш, шунингдек, қидирувдаги мол-мулкларни аниқлаш юзасидан тизимли чора-тадбирлар амалга оширилмоқда.
Навбатдаги қидирув тадбирлари давомида 41 та ижро ҳужжати асосида қидирув эълон қилинган, “Equinox” русумли автотранспорт воситаси аниқланди.
Топилган автотранспорт воситаси белгиланган тартибда жарима майдонига жойлаштирилди.
Айни вақтда ижро ҳужжатлари талабларини таъминлаш мақсадида қонунчиликда белгиланган ижро ҳаракатлари давом эттирилмоқда.
Қайд этиш жоизки, қидирувдаги мол-мулкларни аниқлаш ва суд ҳужжатлари ижросини таъминлаш борасидаги чора-тадбирлар изчил давом эттирилмоқда.







