Қорақалпоғистонда қарз сабаб кўп қаватли уй хатланди
Бино 20 млрд сўмга баҳоланиб электрон онлайн-аукцион савдо майдончаси орқали сотувга чиқарилган.

Ҳар бир қад ростлаган бино — бу кимнингдир орзуси, кимнингдир келажакка бўлган умиди, яна кимдир учун янги ҳаёт бошланиши демакдир. Бироқ ҳаётда ҳар доим ҳам режалар кутилганидек амалга ошавермайди. Молиявий мажбуриятларнинг ўз вақтида бажарилмаслиги оқибатида ҳатто шундай йирик қурилиш объектлари ҳам мажбурий ижро жараёнига тортилиши мумкин.
Суд қарори бўйича чиқарилган ижро ҳужжати Бюронинг Қорақалпоғистон Республикаси Бошқармасига келиб тушиб, ижро ҳужжати ижросини таъминлаш учун 15 кунлик ихтиёрий муддат берилиб, суд қарорининг ижросини таъминламаслик оқибатлари тушунтирилган.
Шунга қарамасдан, қарздор томонидан ижро ҳужжати талаби бажарилмаганлиги сабабли, К.С. МЧЖга тегишли бўлган кўп қаватли бино давлат ижрочиси томонидан тегишли тартибда хатловга олинди ҳамда 20 млрд сўмга баҳоланиб электрон онлайн-аукцион савдо майдончаси орқали сотувга чиқарилган.







