Namangan shahrida yashovchi O.S. mahalliy fuqaro hamda uning onasini turizm yo‘nalishida faoliyat yurituvchi MCHJ orqali 2025 yilgi “Haj” mavsumida Saudiya Arabistoniga farz amallarini bajarish uchun yuborish evaziga 10 ming AQSH dollari olgan vaqtida ashyoviy dalillar bilan ushlandi.
Shuningdek, Guliston shahrida faoliyat yurituvchi sayyohlik firmasi taʼsischisi G‘.A. tegishli litsenziyaga ega bo‘lmasada, Sirdaryo tumanida yashovchi fuqaro va uning 4 nafar qarindoshini “Umra” ziyoratiga yuborish evaziga 6000 AQSH dollari talab qilib, oldindan 400 AQSH dollari va 1,3 mln. so‘m olgan vaqtida ushlandi.
Bunday noqonuniy holatlar Surxondaryo viloyatida ham qayd etildi. Xususan, Sariosiyo tumanidagi sayyohlik firmasi ishchisi D.R. hech qanday vakolati bo‘lmasada, mahalliy fuqaroni “Umra” amallarini bajarish uchun Saudiya Arabistoniga yuborish evaziga 1100 AQSH dollari va 200 ming so‘m olgan vaqtida ushlandi.
Denov shahridagi sayyohlik firmasi rahbari Sh.Q. fuqaroni “Umra” safariga yuborishni vaʼda qilib, evaziga 1000 AQSH dollari va 1 mln 280 ming so‘m olgan vaqtida ushlangan bo‘lsa, Denov tumanida yashovchi X.N. o‘zganing ishonchiga kirib, unga o‘zi ishlayotgan sayyohlik yo‘nalishidagi MCHJ orqali “Umra”ga borishlik uchun imtiyozli yo‘llanmasi borligini aytib, uni Saudiya Arabistoniga ziyoratga yuborish evaziga 1200 AQSH dollari va 650 ming so‘m olgan vaqtida qo‘lga olindi.
Hozirda barcha holatlar yuzasidan mazkur shaxslarga nisbatan Jinoyat Kodeksining 168-moddasi (firibgarlik) bilan jinoyat ishlari qo‘zg‘atilib, tergov harakatlari olib borilmoqda.