HAMAS vakilining maʼlum qilishicha, u “Isroil muzokaralar niqobi ostida urush olib borishda davom etayotganligi uchun” o‘t ochishni to‘xtatish bo‘yicha muzokaralarda qatnashishni istamaydi. Isroil esa muzokaralarda ishtirok etishga tayyorligini tasdiqladi.
AFP xabariga ko‘ra, HAMAS 15 avgust kuni Dohada bo‘lib o‘tadigan muzokaralarda ishtirok etish yoki etmasligi hozircha aniq emas.
Avvalroq Isroil bosh vaziri Binyamin Netanyahu tashqi razvedka xizmati “Mossad” va Bosh xavfsizlik xizmati “Shin-Bet” rahbarlari muzokaralar uchun Qatar poytaxtiga borishini maʼlum qilgandi.