Hindistonning Maxarashtra shtatidagi Beed qishlog‘ida ikkita meteorit qulab tushdi. Ulardan biri dehqon uyining tunuka tomini teshib o‘tgan, ikkinchisi yaqin atrofdagi dalaga tushgan. Olimlar toshlarni o‘rganib, ularning kosmosdan kelganligini tasdiqlashdi.
Tadqiqotchilar meteoritlarning og‘irlik kuchi, magnit xossalari va boshqa parametrlarini tekshirib, ularni Yer atmosferasiga kirgan asteroidning parchasi deb baholashmoqda. Hodisa guvohlarining so‘zlariga ko‘ra, toshlar juda sovuq bo‘lgan.
Tarixiy ma’lumotlarga ko‘ra, 1621-yildan beri Hindistonda 700 dan ortiq meteorit zarbalari qayd etilgan. Ushbu hodisalar ilm-fanga qimmatli ma’lumotlar qo‘shib kelmoqda.