Bedarak yoʻqolganlar roʻyxatida 200 dan ortiq kishi bor. Hindiston armiyasi vayronalar ostida qolgan odamlarni qidirish uchun mintaqaga yordamchi maxsus radarlarni yubordi. Hozirda shtatda 1500 dan ortiq askar yordamida qidiruv-qutqaruv ishlari davom etmoqda. Qutqaruvchilar elektr quvvati yoʻqligi, qulagan daraxtlar va vayron boʻlgan koʻpriklar sabab qidiruv ishlari qiyin kechayotganini xabar qilgan.
Shtatdagi tabiiy ofatdan jabr koʻrgan 8300 dan ortiq kishi lagerlarga evakuatsiya qilingan. Kuchli yomgʻirlar tufayli Kerala shtatida koʻchkilar sodir boʻlib, infratuzilma va yoʻllarga jiddiy zarar yetgan.
Rasmiylar halok boʻlganlarning qarindoshlari uchun 2400 dollar va jarohatlanganlarning har biri uchun 600 dollardan toʻlashini eʼlon qilgan.