Ilon Mask va Donald Tramp o‘rtasidagi oxirgi janjal Amerika ommaviy axborot vositalarining eʼtiborini tortdi. Muammo sunʼiy intellekt texnologiyalarini rivojlantirishga qaratilgan yangi “StarGate” loyihasi atrofida yuzaga keldi, u Tramp tomonidan AQSHning global yetakchiligini mustahkamlash maqsadida ishga tushirilgan edi.
Loyihaga 100 milliard dollar miqdorida sarmoya kiritish rejalashtirilgani va 4 yil ichida bu summa 500 milliard dollarga yetishi kutilayotgani eʼlon qilingan edi. Loyiha ishtirokchilaridan biri bo‘lgan kompaniyalar – OpenAI, SoftBank va Oracle. Biroq Mask loyihaning mablag‘lari haqidagi daʼvolarni ortiqcha deb tanqid qildi. OpenAI bosh direktori Sem Altman esa bu fikrni rad etib, loyiha uchun yetarli moliyaviy resurslar mavjudligini taʼkidladi.
Mask va Altman o‘rtasidagi munosabatlar allaqachon yomonlashgan edi, chunki Mask OpenAI ni sunʼiy intellekt yaratishdagi asosiy tamoyilni – insoniyatga foyda keltirish o‘rniga, foyda olishga intilayotganlikda ayblagan edi. Shuningdek, Mask Misrosoft kompaniyasining OpenAI ning asosiy investoriga aylanishidan norozi.
Mask va Tramp o‘rtasidagi ziddiyat yana-da kuchaygan. Tramp Maskning tanqidi ustida, u aslida investorlardan biri bo‘lgan Sem Altmandan nafrat qiladi, deb taʼkidladi. Shuningdek, Maskning prezidentga yaqinligi, uning shaxsiy manfaatlarini kuzatishda foydalanishiga nisbatan Trampning jiddiy xavotirlari bor.
Mask dastlab yangi Hukumat samaradorligi bo‘yicha departamentni boshqarish uchun tayinlangan edi, bu vazifada davlat xizmatchilari va byudjet xarajatlarini optimallashtirishni maqsad qilgan edi. Biroq, agar janjal davom etsa, Tramp boshqa nomzod izlashga majbur bo‘lishi mumkin, chunki uning jamoasidagi muvofiqlik juda muhim.
Baʼzi mutaxassislar, Tramp va Mask o‘rtasidagi ziddiyat tasodifan yuzaga kelmaganligini taʼkidlamoqda. Ularning fikricha, Tramp sunʼiy intellektni rivojlantirish bo‘yicha global raqobatni kuchaytirish orqali katta ishlarni amalga oshirmoqda.
Komila Odilova tayyorladi