Bosh prokuratura huzuridagi Departamentning Qoraqalpog‘iston Respublikasi Tuproqqalʼa tuman bo‘limi tomonidan o‘tkazilgan tergovga qadar tekshiruv ishlarida firibgarlik ishi ko‘rildi. Maʼlumotlarga ko‘ra, fuqaro O.S. fuqaro G.ning ishonchiga kirib, unga imtiyozli shartlar asosida, kreditga avtotransport vositasi olib berishni vaʼda qilgan. Aldovlar bilan uning 3 000 AQSH dollari miqdoridagi mablag‘ini qo‘lga kiritgan. Tanishlari borligidan foydalanib, bank muassasasiga G.ning nomidan pul to‘langanligi to‘g‘risidagi soxta to‘lov kvitansiyasi olib bergan.
Hozirda mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq uy olib berishni vaʼda qilgan firibgar ushlangani haqida xabar berilgandk.
Ko‘plab ogohlantirishlar va firibgarliklar soni ko‘pligiga qaramay, ozgina vaqt yoki puldan yutish maqsadida vakolati bo‘lmagan shaxslarga ishonib, moli va tinchligidan ayrilish holatlari ko‘p uchramoqda.
Shunday vaziyatlarni ko‘rsatish orqali hamyurtlarimizdan yana-da eʼtiborli bo‘lishlarini va aql bilan ish tutishlarini so‘rab qolamiz.
Maftuna Rejabboyeva tayyorladi.