Janubiy Koreya sudi prezident Yun Sok Yolga nisbatan chiqarilgan hibsga olish orderini bekor qildi. Yonhap agentligining xabariga ko‘ra, sud Yun Sok Yolning harbiy holat muddati qisqa bo‘lgani sababli hibsdan ozod qilish haqidagi iltimosini qondirdi.
Fevral oyida Yun Sok Yol Seul markaziy tuman sudiga murojaat qilib, harbiy holat eʼlon qilish bo‘yicha ayblovni noqonuniy deb topishni so‘ragan edi. Prezident 2024 yil dekabr oyida harbiy holat eʼlon qilganidan so‘ng, mamlakatdagi vaziyat keskinlashdi. U buni impichment jarayonining hukumat ishini falaj qilishi mumkinligi bilan izohladi.
Janubiy Koreya prokuraturasi 26 yanvar kuni prezidentni isyon uyushtirishda ayblab, unga qarshi ish ochgan edi. 15 yanvar kuni Yun Sok Yol 48 soatga hibsga olingan, 19 yanvar kuni esa sud uni rasman hibsga olishga qaror chiqargan. Shu paytdan boshlab prezidentning tarafdorlari norozilik namoyishlari uyushtirdi.