Janubiy Koreyaning Euson okrugida o‘rmon yong‘inlarini o‘chirishda ishtirok etgan vertolyot halokatga uchradi. Hodisa natijasida bortda bo‘lgan yagona uchuvchi halok bo‘ldi. Bu haqda Yonhap agentligi xabar berdi.
Chorshanba kuni Koreya Respublikasi prezidenti vazifasini bajaruvchi Bosh vazir Xan Dok Su mamlakatda avj olgan o‘rmon yong‘inlarini tarixdagi “eng yomon” yong‘inlar deb atadi. Yong‘inlar oqibatida 18 kishi halok bo‘lgan, 13 kishi jarohatlangan, 20 mingdan ortiq odam evakuatsiya qilingan.
Yong‘inlarga qarshi kurashishda 128 ta vertolyot, 1100 dan ortiq harbiy, 3100 ga yaqin o‘t o‘chiruvchi va 4600 ga yaqin davlat xizmatchisi jalb qilingan. Rasmiylar yong‘inlarning sababi ehtiyotsizlik yoki beparvolik bo‘lishi mumkinligini taxmin qilmoqda.