Unga ko‘ra, AQSH Davlat departamenti Tayvanga qurol sotilishi haqida Kongressga maʼlum qilgan. Bayden maʼmuriyati maʼqullagan qurol-yarog‘ bitimiga ko‘ra, Qo‘shma shtatlar Tayvanga 750 million dollarga tushishi kutilayotgan 40 ta yangi M109 o‘ziyurar gaubitsa (zirhli tank) va 1 700 ta aniq yo‘riqnomalarni sotadi.
Bu qaror “Tayvan Xitoyning ajralmas qismi” deb aytayotgan Pekinni g‘azablantirishi kutilmoqda. Eslatib o‘tamiz, Xitoy Qurolli kuchlari o‘z samolyotlarini Mo‘g‘ulistondagi Xebey, shuningdek, yana 2 ta bazaga joylashtirishni rejalashtirgan.
Avvalroq Xitoy harbiylari Tayvan bo‘g‘oziga 150 ta qiruvchi samolyot joylashtirishni rejalashtirayotgan edi. Mutaxassislarning fikricha, samolyotlarni joylashtirish bo‘yicha harakatlar, avvalo, Yaponiya, keyin esa Janubiy Koreyani Tayvanni himoya qilishda AQSHga qo‘shilmaslik haqida ogohlantirish uchun amalga oshirilgan.
Bunga Yaponiya hukumati Tayvanni yana-da qo‘llab-quvvatlash bo‘yicha qaror chiqargani va Yaponiya mudofaa vaziri Nobuo Kisining «Tayvanning tinchligi hamda barqarorligi to‘g‘ridan-to‘g‘ri Yaponiya bilan bog‘liq. Biz Xitoy hamda Tayvan o‘rtasidagi aloqalarni, shuningdek, Xitoyning harbiy faoliyatini diqqat bilan kuzatmoqdamiz», - deb taʼkidlagani sabab bo‘lgan.
Akram Xamraqulov