Жо Байден Тайванга қурол сотишни маъқуллади
AҚШ президенти Жо Байден маъмурияти Тайван ҳукумати билан қурол савдосини маъқуллади. Бу ҳақда «Bloomberg» нашри хабар берди.
Унга кўра, AҚШ Давлат департаменти Тайванга қурол сотилиши ҳақида Конгрессга маълум қилган. Байден маъмурияти маъқуллаган қурол-яроғ битимига кўра, Қўшма штатлар Тайванга 750 миллион долларга тушиши кутилаётган 40 та янги М109 ўзиюрар гаубица (зирҳли танк) ва 1 700 та аниқ йўриқномаларни сотади.
Бу қарор “Тайван Хитойнинг ажралмас қисми” деб айтаётган Пекинни ғазаблантириши кутилмоқда. Эслатиб ўтамиз, Хитой Қуролли кучлари ўз самолётларини Мўғулистондаги Хэбэй, шунингдек, яна 2 та базага жойлаштиришни режалаштирган.
Aввалроқ Хитой ҳарбийлари Тайван бўғозига 150 та қирувчи самолёт жойлаштиришни режалаштираётган эди. Мутахассисларнинг фикрича, самолётларни жойлаштириш бўйича ҳаракатлар, аввало, Япония, кейин эса Жанубий Кореяни Тайванни ҳимоя қилишда АҚШга қўшилмаслик ҳақида огоҳлантириш учун амалга оширилган.
Бунга Япония ҳукумати Тайванни янада қўллаб-қувватлаш бўйича қарор чиқаргани ва Япония мудофаа вазири Нобуо Кисининг «Тайваннинг тинчлиги ҳамда барқарорлиги тўғридан-тўғри Япония билан боғлиқ. Биз Хитой ҳамда Тайван ўртасидаги алоқаларни, шунингдек, Хитойнинг ҳарбий фаолиятини диққат билан кузатмоқдамиз», - деб таъкидлагани сабаб бўлган.
Акрfм Ҳамрaқулов
