Келин тўйдан бир кун ўтиб, сеплари билан қочиб кетди
Унинг бир неча кишилик жиноий гуруҳи бўлган.
Ҳиндистонда келин тўйдан кейин куёвнинг мол-мулкини ўғирлаб, қочиб кетди. Маълумотларга кўра, унинг шериклари бўлган ва жиноий гуруҳ аввал ҳам шунга ўхшаш бир нечта фирибгарликни содир этган.
Махараштралик 32 ёшли аёл бир йигит билан учрашиб юриб, у билан муносабатларини никоҳга олиб борган. Тўйдан олдин у куёвнинг оиласидан сеп сифатида пул талаб қилган, маросимнинг эртасига эса уни олиб қочиб кетган.
Оила бошлиғи бу ҳақда полицияга хабар берган ва фирибгар уч нафар шериги билан бирга қўлга олинган. Жиноятчилар куёвлар ва уларнинг ота-оналарининг ишончига кириб, бир неча бор фирибгарлик содир этгани аниқланган.
