Моуриньо турк клубида иш бошлайди

 

Англиядаги "Уэмбли" стадионида ўтган Чемпионлар Лигаси финал баҳсида Жозе Моуриньо келажаги борасида бир қатор саволларга жавоб берди. Эртаси куни эса унинг янги клубга бош мураббий этиб тайинлангани ҳақида расмий хабар эълон қилинди. Шу мақсадда португалиялик мутахассис Истанбулга учиб кетди. Мухлисларни узоқ куттирган ҳодиса эса аэропортнинг ўзида бошланиб кетди. Мураббийни "Фенербаҳче" президенти Али Коч кутиб олди.

 

Кечқурун "Фенербахче" стадионида кенг кўламли тақдимот бошланди. Аренага 25 мингга яқин томошабин тўпланди. Клубнинг You tube каналида тақдимотни 250 минг киши жонли эфирда томоша қилган.

 

Дастлаб клуб президенти Али Коч сўз олди. Трибуналардан ҳуштак ва қарсаклар эшитилди. Моуриньо индамади, бироқ у қўлини кўтариши билан мухлислар маъқуллаган ҳолда шовқин-сурон кўтара бошлашди. Мураббийни шу қадар баланд овозда кутиб олишдики, бу эса унга гапларини якунлашига тўсқинлик қилди.

 

"Одатда мураббийларни ғалабалардан кейин олқишлашади, лекин бу ҳолатни мен аввалроқ ҳис қилдим", - деди Моуриньо. Сизга ваъда бераман, бундан буён мен сизнинг оилангиз бир аъзосиман. Президент билан учрашганимдан бери мен сиз учун нималар қила олишим мумкинлиги ҳақида ўйладим, чунки сиз футбол жамоасининг руҳисиз. Сизнинг орзуларингиз менинг орзуларимдир”.

 

Бир пайт туркиялик мухлис Моуриньо томон югурди ва уни хавфсизлик ходимлари ушлаб қолишди. Мураббий ҳаммаси яхши эканини ва суратга тушишга қарши эмаслигини айтди. Клуб президенти эса муҳлисга "Фенербахче" футболкасини тақдим этди. Тадбир тахминан бир соат давом этди.

 

Моуриньонинг олдида қийин вазифа турибди. "Фенербаҳче" 10 йилдан бери Туркия чемпиони бўлолмаяпти. Айни пайтда клуб 19 унвонга эга. Ундан олдиндаги "Галатасарой" 24 та бор турли совринларни қўлга киритган. Ўтган мавсумда "Фенербахче" 99 очко тўплаган (38 турда атиги битта мағлубият), лекин барибир "Галатасарой"дан ортда қолди. Бу эса аллақачон анъанага айланган. Умуман олганда Моуриньонинг келиши жамоада катта ўзгаришларга сабаб бўлиши мумкинлигига ишониляпти. Биз эса воқеалар ривожини кузатишда давом этамиз.