Ijtimoiy tarmoqda Namangan viloyatida multiradar bilan jihozlangan avtomobil berkinib faoliyat yuritayotgani haqida xabar tarqaldi. Holatga viloyat IIB YHXB tomonidan raddiya bildirildi.
Qayd etilishicha, mobil radar haydovchisi Namangan shahrining «G‘irvonsoy» ko‘chasida joylashgan avtomobillarni yuvish shoxobchasidan chiqib kelayotgan vaqtida fuqarolar tomonidan tasvirga olinib, noto‘g‘ri maʼlumot bilan ijtimoiy tarmoqqa joylashtirilgan.
“Mobil radar qurilmasida ushbu vaqtda hech qanday qoidabuzarlik qayd etilmagan”, — deyiladi xabarda.