Намангандаги сув тақсимлаш иншоотида 1,2 млрд сўмлик электр ўғирланди
Ҳозирда ҳолат юзасидан жиноий иш очилган.
Наманган вилояти Косонсой туманидаги “К.И.С.Т.” МЧЖга қарашли сув тақсимлаш иншооти ҳеч қандай асослантирувчи ҳужжатларсиз тармоққа ўзбошимчалик билан улаганлиги аниқланди.
Дастлабки ҳисоб-китобларга кўра, ушбу ҳолат сабабли электр таъминоти корхонаси манфаатига 1 миллиард 265 миллион сўмлик зарар етказилган.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
