Оқ уй давлат идораларидан TikTok’ни корпоратив қурилмалардан ўчириб ташлашни талаб қилди
Бунинг учун 30 кун вақт берилган.
АҚШ давлат идоралари корпоратив қурилмалардан Хитой ижтимоий тармоғи бўлган TikTok иловаларини ўчириш учун 30 кун вақт олади. Reuters хабарларига кўра, Президент Жо Байден маъмурияти бўлимларга дастурларни олиб ташлаш бўйича кўрсатма юборган.
2022 йил 15 декабрда АҚШ Сенати давлат идораларига тегишли қурилмаларда TikTok'ни тақиқлаш учун овоз берди. Америка расмийлари Хитойнинг «ByteDance» компанияси платформаси америкаликлар орасида жосуслик қилиши мумкин, деб ҳисобламоқда.
26 февраль куни Европа комиссияси ходимларга расмий смартфонларда ТикТокъдан фойдаланишни тақиқлади. ЕК ходимлари, шунингдек, расмий маълумотларга кириш ҳуқуқига эга бўлган шахсий смартфонлардан ҳам дастурларни ўчириб ташлашлари керак эди.
