“Ўзбекнефтгаз”га нисбатан иш қўзғатилди
Компания тендер ўтказиш қоидаларини бузган.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан “Ўзбекнефтгаз” компаниясига нисбатан тендерлар ўтказишда қонун ҳужжатларини бузганлик учун иш қўзғатилган.
Текширув давомида компания томонидан энг яхши таклифларни танлаш учун ихтисослаштирилган ахборот портали орқали ўтказилган қарийб 4,8 млрд сўмлик иккита тендерда савдоларда рақобатни чеклашга қарши талабнинг бузилиши аломатлари аниқланган.
Иш “Рақобат тўғрисида”ги Қонун ва Вазирлар Маҳкамасининг 225-сонли қарори талабларини бузганлиги учун қўзғатилган.
