Париж-2024: Бугун кимлар беллашувларда қатнашади?

 

Бугун Париждаги Олимпия ўйинларида қиличбоз Зайнаб Дайибекова, дзюдочилар Муроджон Йўлдошев ва Шукуржон Аминова, академик эшкак эшувчи Шаҳзод Нурматов ва Собир Сафаралиев баҳсларга киришади. Боксчилар Руслан Абдуллаев ва Баҳодир Жалоловни ҳам жанглар кутмоқда.

 

Дастлаб, Тошкент вақти билан соат 13:00 да дзюдочилар Муроджон Йўлдошев ва Шукуржон Аминова мусобақага тушади. Сўнгра қиличбозлик бўйича Зайнаб Дайибекова, сузишда Иля Сибирсев ҳамда академик эшкак эшишда Шаҳзод Нурматов ва Собир Сафаралиевлар беллашади. Шунингдек, боксчилар Руслан Абдуллаев ва Баҳодир Жалоловни ҳам жанглар кутмоқда.

 

Қуйида 29 июль куни иштирок этадиган спортчилар рўйхати:

 

Дзюдо

-73 кг: Муроджон Йўлдошев (Ўзбекистон) — Данияр Шамшаев (Қозоғистон) — 13:00.

-57 кг: Шукуржон Аминова (Ўзбекистон) — Дабонне Зулейҳа Абзетта (Кот-дъивуар) — 13:00.

 

Академик эшкак эшиш

Енгил вазнли жуфтлик: Шаҳзод Нурматов ва Собир Сафаралиев — 13:40.

 

Қиличбозлик

Зайнаб Дайибекова (Ўзбекистон) — Юн Жису (Жанубий Корея) — 13:50.

 

Сузиш

800 метрга эркин усулда: Иля Сибирсев — 14:30.

 

Бокс

-63,5 кг: Руслан Абдуллаев (Ўзбекистон) — Мартинез Рамирез Мигел Анхел (Мексика) — 15:05.

+92 кг: Баҳодир Жалолов (Ўзбекистон) — Шиха Умар (Норвегия) — 20:05.