Turkiyada ishlab chiqarilgan 12x76 o‘lchamli "Huglu Atrox" miltig‘i bilan saboq olayotgan talabalarga qarata o‘q uzgan. Buning oqibatida 8 kishi halok bo‘lgan, 24 kishi yaralangan.
Ijtimoiy tarmoqlardagi xabarlarga ko‘ra, otishmada o‘zbek fuqarolari ham bo‘lganligi turli mish-mishlarga sabab bo‘ldi. Aslida ro‘y bergan otishmada jarohatlangan yoki halok bo‘lganlar orasida O‘zbekiston fuqarolari qayd etilmagan.
Voqea paytida maʼruzani davom ettirgan o‘qituvchi o‘z harakatlarini quyidagicha tushuntirdi:
"Talabalar sakkizinchi binoda qurollangan odam borligi haqida xabar berishni boshlaganda, ular suhbat xonalarida bu maʼlumotni ko‘rishdi, men darhol dekanga, menejmentga qo‘ng‘iroq qildim. Dekan menga o‘qishni davom ettirishimni aytdi. Bundan tashqari, bu maʼlumot rasmiy bo‘lmagan", — dedi Syoromyatnikov.
Sobiq talaba qaysi va nima maqsadda bostirib kirgani hali maʼlum qilinmagan. Talabalar binodagi ogohlantirish tugmasi ishlamagani oqibatida binoning ikkinchi qavati derazasidan qocha boshlagan.
“RT” xabariga ko‘ra, otishma sodir etgan yigitning otasi Marat Bekmansurov (dastlabki maʼlumotlarga ko‘ra, u — harbiy xizmatchi) hozirda boshqa shaharda ekani va aniq hech narsa deya olmasligini, chunki voqea joyida aynan nima bo‘lganini bilmasligini aytgan.
Uning so‘zlariga ko‘ra, yaqinda tergov jarayonida ishtirok etish uchun Permga borishni rejalashtirgan. "Men bo‘lgan ishdan hamon hayratdaman, o‘zimga kelolmayapman", — deya taʼkidlagan erkak voqea haqida rafiqasidan bilganini qo‘shimcha qilgan holda. Taʼkidlanishicha, o‘g‘li kompyuterga qiziqqan va sayr qilishni unchalik yoqtirmagan. Onasining aytishicha, u o‘g‘lini oxirgi marta ishga ketishidan oldin ko‘rgan. O‘g‘li unga xayrli tong tilab, darsga tayyorlana boshlagan. U doim tinch va xotirjam yigit bo‘lgan va vaqtini, asosan, uyda o‘tkazgan.
Qayd etilishicha, Temur Bekmansurovga nisbatan Rossiya Jinoyat kodeksining “Qotillik” moddasi bo‘yicha jinoyat ishi olib borilayotgan bo‘lib, unga ko‘ra, minimal jazo 8 yillik, maksimali esa umrbod qamoq jazosi bo‘lishi mumkin.
Eslatib o‘tamiz, avvalroq Nigeriya shimoli-g‘arbidagi maktab-internatdan qurollangan nomaʼlum shaxslar 140 nafar o‘g‘irlab ketishgandi. Bundan tashqari, Qarshida ommaviy janjal oqibatida 19 yoshli sportchi to‘pponchadan o‘q yegani haqida xabar berilgan edi.
Cho‘lponoy Ahmedova