«Toshshaharnur» DUKga ko‘ra, cheklovlar Toshkent shahar hokimligining topshirig‘iga asosan bekor qilinmoqda.
Unga ko‘ra, 2022 yil 13 dekabr soat 17-00 dan Toshkent shahrining markaziy, tuman ahamiyatidagi va mahallalar, mavzelar hamda dahalarining ichki ko‘chalarda elektr energiyasini tejash maqsadida joriy qilingan cheklovlar olinadi.
«Toshkent shahridagi mavjud ko‘cha chiroqlari, illyuminatsiya chiroqlari 100 foiz yoqiladi», —deyiladi unitar korxona xabarida.
Eslatib o‘tamiz, bu boradagi cheklov joriy yil 16 noyabrdan boshlangandi. Bu tadbir natijasida kunlik o‘rtacha 111,1 ming kVt/soat elektr energiyasi iqtisod qilingani aytilgan edi.