Президент ва давлат стипендияларини тайинлашнинг янги тартиби тасдиқланди
Президент стипендияси ҳар бир ОТМ бакалавриат талабаларининг 1 нафар битирувчи курс талабасига тайинланади.
Вазирлар Маҳкамаси қарори билан Ҳукуматнинг айрим қарорларига ўзгартириш ва қўшимчалар киритилди. Уларга кўра, бакалавриат ва магистратура талабалари учун Президент ва давлат стипендияларини тайинлашнинг янги тартиби тасдиқланди.
Бошқа давлат стипендиялари охирги икки курсда ўқиётган талабаларга тўланади.
Стипендиялар учун номзодларни кўрсатиш ОТМ кенгашлари томонидан талабгорларнинг ўқув ва илмий фаолиятини оммавий муҳокама қилиш асосида амалга оширилади.
ОТМ кенгаши қарорига асосан танловларнинг навбатдаги босқичига тавсия этилган номзодлар “stipendiya.edu.uz” тизимига ҳар йили 1-15 август кунлари киритилади.
Стипендия тайинлаш ҳақидаги тавсияномаларни бериш кейинги йил 10-30 сентябрь кунлари кўриб чиқилади.
Стипендиялар 1 сентябрдан тайинланади.
Эслатиб ўтамиз, бундан аввал талабалар учун Президент гранти жорий этилгани ҳамда энди спортчилар ҳам ОТМ га имтиҳонсиз кириш имкониятига эга бўлгани ҳақида хабар берилганди.
Шунингдек, олий ҳарбийлаштирилган таълим муассасалари тўғрисидаги низом тасдиқлангани ҳақида хабар берилганди.
Чўлпоной Аҳмедова
