Путин Зеленский билан музокара ўтказиш ниятида эмас

 

Кремл матбуот котиби Дмитрий Песков берган баёнотга кўра, Россия президенти Владимир Путин Украина раҳбари Владимир Зеленский билан музокара ўтказиш ниятида эмас. 

 

Песковнинг таъкидлашича, музокараларда ҳозирча президентлар учрашуви ҳақида гап йўқ.

 

"Биласизми, кеча музокараларнинг иккинчи раунди бўлиб ўтди. Энди навбат учинчисига келди. Делегациялар учун кераксиз воситачиларсиз бир-бири билан аниқ мулоқот қилиш имконияти мавжуд. Бизнинг позициямизнинг элементлари Украина томони эътиборига ҳавола этилди", деди у. Президентларнинг учрашуви эҳтимоли ҳақидаги саволга жавоб бераркан.

Шунингдек, у Беларус етакчиси Александр Лукашенко Россия Федерациясининг Украинадаги хатти-ҳаракатларини қўллаб-қувватлашини билдирди.

 

Бир кун аввал Зеленский Путинни у билан музокара столига ўтириб, Украинадан нима истаётганини тушунтиришга ва урушни тугатишга чақирганди.

Эслатиб ўтамиз, икки давлат ўртасидаги музокаралар чоғида гуманитар йўлаклар ва карвонлар бўйича назарий келишув пайдо бўлган, бироқ ҳозирча босқинчилар босиб олинган ҳудудларга инсонпарварлик ёрдамини киритмаяпти.

Шунингдек Беларусь раҳбари Украина низоси тез орада тугашини тахмин қилганди.