Maʼlum qilinishicha, hodisa joriy yilning 30 yanvar kuni soat taxminan 17:00 larda Qarshi shahrining Nasaf ko‘chasida sodir bo‘lgan. 19 yoshli yigit ikki nafar do‘sti bilan birga avtomobil boshqarib kelayotgan vaqtida drift qilishga uringan, biroq tezlikni to‘g‘ri baholay olmagan.
Natijada u rul boshqaruvini yo‘qotib, yo‘l chetidagi daraxtga urilgan. Zarba kuchli bo‘lganidan avtomashina salonida bo‘lgan ikki nafar 19 yoshli yigit voqea joyida vafot etgan.
Mazkur holat yuzasidan Qarshi shahar Ichki ishlar organlari faoliyatini muvofiqlashtirish bo‘limi tomonidan tergov harakatlari olib borilmoqda.