Qashqadaryo viloyati Ko‘kdala tumanida mahalla raisi ayol kishiga qo‘l ko‘targani aks etgan video ijtimoiy tarmoqlarda tarqaldi. Ushbu holat yuzasidan tuman hokimligi rasmiy munosabat bildirdi.
Rasmiy ma’lumotga ko‘ra, 15-mart kuni "Zum" mahallasi raisi yaqin qarindoshi O.B.ning uyida bo‘lgan. O‘zaro kelishmovchilik natijasida u O.B.ga nisbatan kuch ishlatgan.
Hozirda ushbu holat bo‘yicha tergovga qadar surishtiruv ishlari olib borilmoqda. Huquq-tartibot organlari ekspertiza natijalari asosida qo‘shimcha ma’lumot berishini ma’lum qildi.