"Қизил иблислар" Решфордни "ПСЖ"га сотмоқчи
Клуб футболчи орқали даҳшатли сумма ишлаб олишни режалаштирмоқда.
"Манчестер Юнайтед" агар "ПСЖ" футболчини ўз сафига қўшиб олмоқчи бўлса, клуб ҳужумчи Маркус Решфорд учун 100 миллион фунт стерлингдан кўпроқ сўрайди.
Аввалроқ ОАВда "ПСЖ" 26 ёшли англиялик футболчини "Реал"га ўтаётган Килиан Мбаппега ўринбосар сифатида кўраётгани ҳақида маълумотлар пайдо бўлганди. Парижликлар Решфордни сотиб олишга уриниб кўришга тайёр.
Рашфорд "Манчестер Юнайтед" тарбияланувчиси ҳисобланади. Футболчининг клуб билан шартномаси 2028 йилнинг ёзига қадар мўлжалланган. Трансфермаркт ҳужумчини 70 миллион еврога баҳоламоқда.
