Qozog‘iston va O‘zbekiston o‘rtasidagi davlat chegarasini demarkatsiya qilish jarayoni yakunlandi. Bu haqda Qozog‘iston Tashqi ishlar vazirligi rasmiy vakili Aybek Smadiyarov maʼlum qildi, deb xabar berdi Zakon.kz
Aybek Smadiyarovning qo‘shimcha qilishicha, tegishli kelishuv ikki davlat rahbarlari tomonidan 2022 yil 22 dekabr kuni Toshkent shahrida imzolangan va u ikki davlat parlamentlari tomonidan ratifikatsiya qilingan.
"Ushbu kelishuvning kuchga kirishi Qozog‘iston va O‘zbekiston o‘rtasidagi davlat chegarasini demarkatsiya qilish bo‘yicha 19 yillik jarayon to‘liq yakunlanganini anglatadi", — dedi Qozog‘iston TIV rasmiy vakili.
Shuningdek, Qozog‘iston TIV vakilining so‘zlariga ko‘ra, 2357 kilometrlik chegara 1301 chegara belgisi bilan belgilangan va bitta demarkatsiya hujjatida aks ettirilgan, uning hajmi 8000 sahifadan oshadi.