Anneksiya qilingan Qrimni Rossiya bilan bog'lovchi ko'prikka raketa hujumi uyushtirildi.
Qrim ko‘prigi hududida havo hujumidan mudofaa tizimi ikkita raketani urib tushirdi, dedi Rossiya tomonidan anneksiya qilingan Qrim rahbari Sergey Aksyonov. Uning qo‘shimcha qilishicha, ko'prikka zarar yetmagan. Shuningdek, anneksiya qilingan Qrim rahbarining maslahatchisi Oleg Kryuchkov ham ko'prik bilan bog'liq vaziyat yuzasidan ma'lumot berdi.
“Maxsus xizmatlar tomonidan tutun pardasi o‘rnatildi. Tez orada transport harakati qayta tiklanadi”, — deydi u.
Ijtimoiy tarmoqlarda Kerchdan videolar chop etilmoqda. Kadrlarda ko‘prik hududida tutun borligini ko‘rish mumkin. Qrim koʻprigida avtotransportlar harakati vaqtincha toʻsib qoʻyildi, deb xabar qildi shtab. Birzodan ko'prik transport vositalari harakati uchun qayta ochilgan.
Rossiya Mudofaa vazirligi Ukraina armiyasi Qrim ko‘prigiga “zarba beruvchi versiyaga aylantirilgan S-200 zenit-raketalari bilan hujum qilganini bildirdi. Vazirlikning ta'kidlashicha, raketalar havoda aniqlangan va tutib olingan.