Xabarlarga ko‘ra, futbolchining Madrid klubi bilan tuzgan yangi shartnomasi 2028 yilgacha hisoblab chiqiladi. Braziliyalik futbolchining “Real” bilan amaldagi shartnomasi 2024 yilgacha amal qiladi.
Yangi kelishuv shartlariga ko‘ra, Vinisius ish haqini yiliga 3,5 million yevrodan yiliga 5,5 million yevrogacha oshirishni kutmoqda. Maoshdan tashqari futbolchi uchun turli bonuslar ham taqdim etiladi.
“Real Madrid” braziliyalik futbolchi uchun tovon puli miqdorini belgilab qo‘ydi. Ilgari bu 700 million yevro edi, yangi kelishuvga ko‘ra, 1 milliard yevro miqdorida kompensatsiya belgilanadi.
Braziliyalik futbolchi Madrid klubida 2018 yildan buyon o‘ynab kelmoqda. U jamoa safida jami 133 ta o‘yin o‘tkazib, 23 ta gol urgan va 30 ta golga hammualliflik qilgan. Joriy mavsumda hujumchi Ispaniya chempionatida 11 uchrashuvda maydonga tushib, 7 ta gol urdi va 3 ta golli uzatmani amalga oshirdi.
Avvalroq “Nyukasl” Kroos uchun “Real”ga 30 million yevro taklif qilishga tayyorligi haqida xabar berilgandi.
Jamshidbek Amirov