"Реал" "Сити" футболчисини сотиб олмоқчи
У жамоанинг асосий футболчиси ҳисобланади.
“Манчестер Сити” муваффақиятларида клуб тарбияланувчиси Фил Фоденнинг ўрни катта. Бир неча мавсумдан буён юқори савияда ўйнаётган ҳужумкор футболчининг харидорлари кўпайиб бормоқда. Хусусан, "Реал" ва "ПСЖ" каби қудратли клублар Фоденни ўз таркибида кўрмоқчи.
Таниқли журналист Экрем Конурнинг маълум қилишича, "шаҳарликлар" 23 ёшли футболчи билан янги шартнома борасида музокарани давом эттирмоқда. Агар томонлар ўзаро бир тўхтамга кела олмаса, вазиятни кузатиб турган Мадрид ва Париж суперклублари дарров ишга киришади.
