Рожер Федерер дунёнинг энг кучли ўнта теннисчиси рўйхатини тарк этди
Швецариялик теннисчи Рожер Федерер сўнгги турнирлардаги муваффақиятсизликдан сўнг АТП рейтингининг биринчи ўнталигидан чиқиб кетди.
Бу кўрсаткич унинг фаолиятида тўртинчи бор кузатилмоқда. Швецариялик теннисчи илгари ҳам, яъни 2002 йилнинг июль ва август ойларида, шунингдек, 2016 йил ноябрь ойида кучли ўнликдан жой ололмаганди. Федерер “Катта Дубулға” туркумидаги мусобақаларнинг 20 карра ғолиби ҳисобланади.
У бугунги кунгача “Уимблдон” мусобақасида саккиз бор, Австралия очиқ чемпионатида олти бор, АҚШ очиқ чемпионати эса беш марта ғалаба қозонган.
Эслатиб ўтамиз, Федерер ҳозирда ушбу рейтингда 11-ўринни эгаллаб турибди.
Аввалроқ Александр Усик Илон Маскка совға бергани ва Дастин Порье танасидаги татуировкаларга изоҳ бергани ҳақида хабар берилганди.
Жамшидбек Амиров
