Россия яманликларни жангга ёлламоқда
Уларга 2 000 доллар ойлик таклиф қилинмоқда.
Россия алдов йўли билан яманликларни Украинага қарши жангга ёлламоқда. Бу ҳақида Financial Times нашри ёзмоқда.
Ҳусийларга алоқадор Al Jabri General Trading & Investment Co SPC компанияси яманлик эркакларга Россияда ишлаш учун 10 000 доллар мукофот пули, 2 000 доллар ойлик маош ва Россия фуқаролигини таклиф қилмоқда. Бироқ Россияга борган яманликлар юқоридаги таклифлар ўрнига Украинадаги уруш зонасига мажбуран жўнатиляпти. Журналистларнинг қайд этишича, яманликларни урушга ёллаш жорий йилнинг июл ойида бошланган.
Financial Times газетасининг ёзишича, бу каби схемалар Россиянинг жанговар ҳаракатлар фонида нафақат Эрон, балки Яқин Шарқдаги Теҳрон томонидан қўллаб-қувватланувчи гуруҳларга яқинлашаётганини кўрсатади.
