Самарқандда Lacetti аварияга учраб, ағдарилиб кетди
Вилоят ИИБ ЙҲХБ ҳолат бўйича маълумот берди.
Маълум бўлишича, воқеа 10 ноябрь куни соат 05:00 атрофида Пайариқ туман ҳудудидан ўтувчи 4Р-49 автомобиль йўлининг 12-километрида содир бўлган. Аниқланишича, Lacetti русумли автомобиль ҳайдовчиси тезликни меъёридан ошириб, руль назоратини йўқотган ва йўлнинг ўнг томонидаги бетон тўсиққа урилган.
Ҳодиса оқибатида ҳайдовчи тан жароҳати олиб, тиббий ёрдам учун туман тиббиёт бирлашмасига олиб борилган. Ҳозирда туман ЙҲХБ томонидан суриштирув ишлари олиб борилмоқда.
