“Invitro-Sibir” klinik-diagnostika laboratoriyasi bosh shifokori Andrey Pozdnyakovning aytishicha, koronavirus erkak va ayolning reproduktiv funksiyasiga taʼsir qiladi. Biroq patogen mikroorganizmning bevosita taʼsir qilish mexanizmlarini olimlar hali batafsil o‘rganmagan.
Uning taʼkidlashicha, COVID-19 virusining endoteliyga (qon tomirlarining ichki qoplamali hujayralariga), so‘ngra tromb hosil bo‘lish xavfining oshishiga ham taʼsir qilishi aniqligi haqida o‘z fikrlarini aytib o‘tgan.
Shifokor virus tanadan chiqib ketgandan so‘ng ham baʼzi kasalliklarga, jumladan, qon aylanishining buzilishiga olib kelishi mumkinligini taʼkidladi. Ammo hozirgacha erkak va ayol jinsiy tizimiga bevosita taʼsir ko‘rsatadigan viruslar topilmagan.
Shu bilan birga, virusning har qanday turi tuxumdonlar funksiyasiga taʼsir qilishi mumkin.
Maʼlumot uchun, kuni kecha Turkiya sobiq bosh vazirining o‘g‘li Fatix Erbakanning vaksinalarga qarshi bayonoti eʼlon qilindi. Bayonot vaqtida virusga qarshi emlangan ota-onalardan bir ko‘zli, dumli va badani yung bilan qoplangan bolalar tug‘ilayotgani aytilgan. Ammo bu xabar o‘z isbotini topmadi. Aslida, suratlar bir necha yil oldin ijtimoiy tarmoqlarga qo‘yilgan.
Eslatib o‘tamiz, bundan avval olimlar koronavirusning o‘ta xavfli shtammi paydo bo‘lishini bashorat qilgani va uning simptomlari so‘nggi bir yilda jiddiy o‘zgarishga uchraganini aniqlagandi.
Cho‘lponoy Ahmedova