Швецияда Қуръон ёқиб юборилди
Бу ҳаракат полиция ҳимоясида амалга оширилган.
Швециялик аёл полиция ҳимоясида Қуръон китобини ёқиб юборди. Бу ҳақда Туркия нашрлари хабар бермоқда.
Ҳолат пойтахт Стокголмда содир бўлган. Унда Жаде Сандберг исмли исломга қарши аёл полиция ҳимоясида Қуръони каримни ёқиб юборган.
Маълумотларга кўра, Швеция полициясига мамлакатда «Евровидение» тадбири бошланишидан бир кун олдин, яъни3 май куни Қуръонни ёқиш акциясини ўтказиш бўйича навбатдаги сўровнома келиб тушган.
Эслатиб ўтамиз, аввалроқ Ислом ҳамкорлик ташкилоти ва унинг кўплаб аъзолари Қуръоннинг ёқиб юборилишини кескин қоралаганди. Швеция расмийлари бундай ҳаракатларга рухсат берувчи жамоат тартиби тўғрисидаги қонунни қайта кўриб чиқишни бошлашлари ҳақида хабар беришган.
