Швецияда туғилиш даражаси кескин камаймоқда
2024 йилда тарихий энг паст кўрсаткич қайд этилди.
Швецияда 2024 йилда туғилиш даражаси мисли кўрилмаган даражада пасайиб кетди. Расмий маълумотларга кўра, бу йил мамлакатда бир аёлга тўғри келадиган туғилиш сони атиги 1,43 нафар болани ташкил этди — бу эса Швеция тарихидаги энг паст кўрсаткич саналади.
Шунингдек, йил давомида туғилган болалар сони илк бор 2003 йилдан буён 100 минг кишидан кам бўлди. Швеция Статистика агентлиги бу ҳолатни демографик инқироз сифатида баҳоламоқда.
Таҳлилларга кўра, яқин йилларда мамлакатда туғилиш даражаси пастлигича қолади. Аҳолининг қариб бораётгани ва ўлимлар сонининг ортиши туфайли демографик мувозанат янада издан чиқиши мумкин. 2030 йилга бориб эса Швеция аҳолиси атиги 90 минг кишига ортиб, 10,7 миллионга етиши кутилмоқда.
