IIV YHXBB axborot xizmatining xabariga ko‘ra, Sirdaryo viloyati Mirzaobod tumanida joriy yilning 19-noyabr kuni soat 14:25 atrofida A.N. boshqaruvidagi “Nexia” avtomashinasi va N.Q. boshqaruvidagi "Zil-MMZ 554" rusumli yuk mashinasi ishtirokida YTH sodir bo‘lgan.
Maʼlum qilinishicha, mazkur YTH oqibatida “Nexia” avtomobilida yong‘in yuzaga kelgan. Haydovchi olgan tan jarohatlari sababli voqea joyida vafot etgan.
Hozirda ushbu holat bo‘yicha tergovga qadar tekshiruv harakatlari olib borilmoqda.
Eslatib o‘tamiz, Qoraqalpog‘istonda yuk mashinasi “Cobalt” bilan to‘qnashishi oqibatida haydovchi voqea joyida vafot etgandi.
Avvalroq Navoiyda sodir bo‘lgan yo‘l-transport hodisasi oqibatida ikki kishi halok bo‘lgani, Toshkentda “Gazel” va “Nexia” to‘qnashib ketgani hamda Namanganda YTH sabab 75 yoshli piyoda vafot etgani haqida xabar berilgandi.