Сунъий интеллект инсониятни йўқ қилиши мумкинми?
Илон Маск унинг эҳтимолий даражасини баҳолади.
Америкалик тадбиркор Илон Маск сунъий интеллект (АI) инсониятни йўқ қилиши мумкинлигини тан олди. Бироқ, у бундай таҳдид эҳтимолини 10-20 фоиз деб баҳолади.
“Балки, олим Жеффри Хинтоннинг хавф тахминан 10-20 фоиз деган фикрга қўшилардим. Лекин, менимча, ижобий стсенарий бўлиши эҳтимоли юқорироқ”, — деди Маск Лос-Анжелесдаги анжуманда.
2023 йил март ойида Илон Маск, Apple асосчиси ва 1000 дан ортиқ сунъий интеллект мутахассислари умумий хавфсизлик протоколлари ишлаб чиқилгунга қадар АI тизимларини ўқитишни тўхтатиб туришга чақирувчи очиқ хат имзоладилар. Мактубда айтилишича, кучли сунъий интеллект тизимлари уларнинг таъсири ижобий бўлишига ва уларнинг хавфларини бошқариш мумкинлигига ишонч билан ишлаб чиқилиши керак.
