Тайсон Холифилд билан жанг қилишни хоҳламади. Нега?
Триллер асосчиларидан бири Раян Каванаг Майк Тайсон Холифилд билан жанг қилишдан нима учун бош тортгани ҳақида фикр билдирди. Хабарларга кўра, Майк Тайсон собиқ рақиби Эвандер Холифилдга ютқазиб қўйишдан чўчийди.
"Кўплар Майк Эвандер билан жанг қилишдан қўрқди, деб айтяпти. У Леннокс Люисга қарши рингга чиқмоқчи. Тайсоннинг шукрона кунида жанг қилиши учун катта имконият яратган эдик. Бу унинг карерасидаги энг катта ютуқлардан бири бўлиши мумкин эди. Бироқ биз уни бу қароридан қайтара олмаймиз. Тайсоннинг фикрича, Эвандер уни нокаутга учратиши мумкин.” - деди Раян Каванаг.
Боксчилар яқинда бир неча бор кўргазма жангини ўтказишдан манфаатдор эканликларини айтишган эди. Эслатиб ўтамиз, Тайсон фаолияти давомида Холифилддан икки марта мағлуб бўлган. Холифилд 11 сентябрь куни Витор Белфортга қарши рингга чиқади.
Жамшидбек Амиров
