Pekin "Tayvan bo‘g‘ozidagi xavfli urushning qo‘zg‘atuvchisi" deb atagan hukmron partiya nomzodi Lay Sinde Tayvandagi prezidentlik saylovlarida g‘alaba qozondi.
Uning asosiy raqibi, qariyb 33 foiz ovoz olgan nomzod Xou Yui mag‘lubiyatini tan oldi. Uchinchi nomzod, Tayvan Xalq partiyasi rahbari Ke Venje 26 foizga yaqin ovoz to‘pladi.
G‘alabadan so‘ng Lay Tayvanni Xitoyning tahdidlaridan himoya qilishini va Pekin bilan muzokaralar olib borishga tayyorligini aytdi.
“Prezident sifatida men Tayvan bo‘g‘ozida tinchlik va barqarorlikni saqlash uchun katta masʼuliyatni o‘z bo‘ynimga olaman”, dedi siyosatchi Taypeydagi tarafdorlariga.
64 yoshli Lai 20 may kuni yangi lavozimiga kirishadi. vitse-prezident 52 yoshli Siau Bikxim bo‘ladi, u avvalroq Tayvanning AQSHdagi vakolatxonasini boshqargan.