U Boldend startapi Meta messenjerini buzish uchun vositalar ishlab chiqqani haqida xabar bergan Forbes maqolasiga keskin fikrlar bildirdi.
2017-yilda ishga tushirilgan Boldend kiber urushda yordam berish uchun yechimlar ishlab chiqmoqda.
Nashrning yozishicha, Facebookʼga faol sarmoya kiritgan va Meta direktorlar kengashi aʼzosi Piter Til startap yaratishda ishtirok etgani eʼtiborga molik.
U tomonidan boshqariladigan tuzilma Boldendga taxminan 10 million sarmoya kiritgan. Forbes Boldendga WhatsAppʼni buzishga imkon bergan zaiflik o‘tgan yilning yanvar oyida bartaraf etilganini taʼkidlamoqda.
Durov bu yangilikka alohida postda munosabat bildirdi va WhatsAppʼ xabarlari "potensial hujumchilar uchun yillar davomida ochiq" ekanligini va messenjer yaratilganidan beri har doim xavfsizlik bilan bog‘liq muammolar mavjudligini aytdi.
Durovning taʼkidlashicha, u bu haqda ikki yil oldin yozgan va o‘shandan beri hech narsa o‘zgarmagan.
"WhatsAppʼning texnologik jamoasi juda qobiliyatsiz ekaniga ishonish qiyin. Telegram ancha zamonaviy IM-mijozi sifatida hech qachon bunday jiddiy xavfsizlik muammolariga duch kelmagan", — deya xulosa qildi Durov.
O‘tgan yil oxirida Durov messenjerlarni, jumladan, WhatsAppʼni AQSH rasmiylari uchun maxsus “back door” (orqa eshik) yaratib, hatto shifrlash bilan himoyalangan xabarlarga ham kirishga ruxsat berishda aybladi.
Maʼlumot uchun: Durov Rossiyada kriptovalyutalarning taqiqlanishi, bu ko‘plab sohalarning rivojlanishiga xalaqit qilishi haqida fikr bildirgandi.
Eslatib o‘tamiz, avvalroq Telegram asoschisi Pavel Durov 2011 yildan buyon telefonlari kuzatilishini aytganihaqida xabar berilgandi.
Cho‘lponoy Ahmedova tayyorladi.