Tojikiston va Qirg‘iziston maxsus xizmat rahbarlari chegaradagi to‘qnashuvlar yuzasidan uchrashuv o‘tkazdi. Bu haqda “TASS” xabar berdi.
Unga ko‘ra, Tojikiston milliy xavfsizlik davlat qo‘mitasi raisi Soymo‘min Yatimov va uning Qirg‘izistonlik hamkasbi Qamchibek Tashiyev o‘rtasidagi muloqot ikki soatga yaqin davom etgan. Uning yakunlari bo‘yicha hech qanday hujjat imzolanmagan.
Maʼlumot o‘rnida: 27-yanvar kuni qirg‘iz-tojik chegarasida ikki davlat vakillari o‘rtasida otishma yuz byergan. Oqibatda, minglab odamlar evakuatsiya qilingan. 28-yanvar kuni kechga borib tomonlar o‘t ochishni to‘xtatishga kelishib oldi.
Avvalroq KXSHT Tojikistonning Afg‘oniston bilan chegarasini yana-da mustahkamlamoqchi ekanligi haqida xabar berilgandi.