“Xavfsiz hudud” tezkor profilaktik tadbirlari doirasida 2 nafar qizga mo‘may daromad vaʼda qilib, aldov yo‘li bilan Turkiyaga jo‘natayotgan shaxs xalqaro aeroportda qo‘lga olindi. Bu haqida Toshkent viloyati IIBB xabar qildi.
Qayd etilishicha, Nurafshon shahrida yashovchi ayol oson pul topish maqsadida Bekobod shahri va O‘rta Chirchiq tumanida yashovchi 21 yoshli ikki nafar qizni aldab, mo‘may daromad topishga ishontirib, Toshkent xalqaro aeroporti orqali Turkiyaning Istanbul shahriga fohishalik uchun jo‘natayotgan vaqtida daliliy ashyolar bilan ushlangan.
Hozirda ushlangan shaxsga nisbatanO‘zbekiston Respublikasining Jinoyat kodeksi 135-moddasi (Odam savdosi) bilan jinoyat ishi qo‘zg‘atilgan. Tergov harakatlari olib borilmoqda.