Toshkent xalqaro aeroporti chegara-bojxona posti xodimlari tomonidan “Istanbul-Toshkent” yo‘nalishi bo‘yicha uchib kelgan bir guruh O‘zbekiston Respublikasi fuqarolari tegishli tartibda bojxona nazoratidan o‘tkazildi.
Unga ko‘ra, fuqarolarning qo‘l yuklari va bagajlari tekshirilganda, bojxona nazoratiga belgilangan tartibda taqdim etilmagan, sifat ko‘rsatkichlarini tasdiqlovchi hujjatlarga ega bo‘lmagan, hech qanday ruxsatnomasiz jami 358 quti ichida 9 210 dona “KETO FORM SLIMMER COFFEE” nomli bioaktiv moddalarga o‘xshash kukunsimon mahsulotlar borligi aniqlandi.
Sudga oid kimyoviy ekspertiza xulosalariga ko‘ra, mazkur mahsulotlar tarkibida “sibutramin” va “kofein” moddalari mavjud bo‘lib, “sibutramin” moddasi “Kuchli taʼsir qiluvchi moddalar” ro‘yxatidagi respublika hududida muomalasi cheklangan kuchli taʼsir qiluvchi moddalar ro‘yxatiga kiritilganligi maʼlum qilingan.
Hozirda mazkur holatlar yuzasidan bojxona organlari tomonidan Jinoyat Kodeksining tegishli moddalari bilan jinoiy ish qo‘zg‘atildi.